澄阳湖蟹苗批发联盟

江南西食蟹好去处,生猛阳澄湖蟹王,肥美膏腻!仲有地道茶点,新派点心秒杀菲林!

广州微生活2019-01-07 00:43:59


每到金秋时节,小编嘅朋友圈都会出现一大堆叫卖大闸蟹嘅人,个个都话自己D蟹点靓点靓,几抵食几大只……但係好多朋友仔买过之后都反映,呢D大闸蟹质量参差不齐,冇黄冇膏都算,有时候仲有死蟹!质量一D都唔过关!

识食嘅街坊,都係去返有出品保证嘅餐厅食最好。最近国庆假期,小编就同屋企人去咗江南西一间新派点心餐厅食大闸蟹。你冇睇错,呢间餐厅真係有点心有茶餐仲有大闸蟹食噶!

钟意食蟹嘅人都知道,讲到优质大闸蟹,都係首选阳澄湖。阳澄湖出产嘅大闸蟹只只体大膘肥,青壳白肚,金爪黄毛,係当之无愧嘅蟹王之王!


煮熟之后嘅大闸蟹,肉质膏腻,丰腴甘香,唔使点用酱料同香料去烹制,斋係清蒸,就已经好美味!咁靓嘅阳澄湖大闸蟹,江南西姨丈热点有得食啦!

姨丈热点嘅老板都係识蟹之人,入嘅货全部都係自己一手一脚去挑选,相当有诚意。大闸蟹有唔同规格,公、乸都有,选择好多

除咗大闸蟹,姨丈热点呢度嘅点心同茶餐一样好值得品尝。佢哋嘅部分菜品係由超有口碑嘅姨丈私房菜引入嘅。好似蟹皇捞面,同样好受欢迎噶!

四喜拼盘,四款唔同口味嘅精致点心,有火龙澳带饺、翡翠鲜虾饺、蒸粉果、紫椰菜饺,斋係卖相,就足以靓爆镜头啦!

4款点心每一只都做得好精美,只只皮薄馅靓,馅料丰富到几乎撑爆成块皮!特别係桃红色呢只火龙澳带饺,饺皮加入火龙果汁,咬开之后,见到大大粒嘅澳带肉,多到好似唔使钱!营养美味又健康。



除咗点心之外,姨丈热点呢度都有好多精致嘅家常菜食噶。可以解决一日三餐嘅烦恼。好似呢个溏心花菇,係用纯鸡油浸嘅,花菇只只都软韧柔滑,香到不得了!



鹅掌翼煲。用柱侯酱以及特别嘅调味料炆熟鹅掌亦,胶质出晒嚟,食起身入晒味,滋味无穷。用嚟餸饭食一流啊!


紫苏石螺焖水鸭。呢煲焖水鸭不得了啦,係姨丈嘅招牌,好多人专程过嚟就係为咗佢哋呢一煲噶!将紫苏、石螺以及水鸭一齐焖,估唔到呢三种食材会咁夹,石螺都焖得好入味,紫苏味嘅清香萦绕鸭肉,惹味!



有美食,又点少得饮品。普通嘅港式奶茶、冻柠茶我就唔介绍啦,几乎通街都係。而足足700ml霸王杯柠檬茶大家又饮过未?700ml係咩概念?!足足1斤半重啊!!!

霸王杯唔止柠茶特别多,连柠檬片都特别多!行街行到兴合合,啱晒嚟姨丈热点呢度坐低叹下空调,食番几只大闸蟹,再点几笼点心,最后整番杯霸王杯,噉先完美!



出品新鲜有保证,唔怪得姨丈热点咁受街坊欢迎啦。唔好话江南西一带街坊成日去啊,连好多人都专程过嚟食嘢噶。

用餐区有一楼以及二楼,除咗舒适嘅卡座之外,仲有大圆台以及包房,畀到你私密嘅空间。

设计得别有心思嘅灯饰,丰富咗餐厅嘅用餐环境,光线光猛,地方都好敞阔

一楼同二楼嘅楼梯交汇处,仲有各种摆设挂画,增添咗现代感以及艺术性。


江南西呢个寸土寸金嘅地方,想搵一间真係高性价比嘅餐厅的确好难。而姨丈热点就係江南西一间性价比餐厅,人均50蚊,一日三餐都有唔同嘅优惠,出品对得起价钱,而且环境又宽敞又舒适。有点心、茶餐、饮品,无论係同屋企人抑或朋友,都係唔错嘅好去处。


姨丈热点


地址:海珠区江南西路63号首层(润汇大厦对面)
电话:020-34401791
营业时间:08:30——22:00



联系我们

美食娱乐推广

商业推广

广州本地大学校园推广

【若有以上意向请联系】

工作微信:2229149969

工作QQ:2229149969

友情链接